Avlsheider til Mauranger-okse

Mauranger-oksen Sundal-P er éin av to nye NRF-oksar får Vestland som får plass på elitelista til Geno

Sundal-P frå oppdrettarane Inger Grethe Skeide og Kenneth Bondhus i Sunndal har klart heidersstykket å bli blant dei 25 oksane som skal forsyna NRF-kyr og -kviger med sæd i tida framover. Det vart klart etter at det i slutten av november blei valt ut NRF-eliteoksar for desember 2022 til mars 2023.

– Dei 25 utvalde eliteoksane av rasen Norsk Rødt Fe (NRF) kjem frå åtte ulike fylke. I denne runden var Trøndelag sterkast representert med sju, Innlandet med seks, Møre og Romsdal med fire, Rogaland med tre, Vestland med to og Vestfold og Telemark, Agder og Viken med éin okse kvar, skriv Geno i ei pressemelding i samband med .

Mauranger

For oppdrettarane er det ei stor anerkjenning å få levera ein NRF-okse som blir valt ut som eliteokse av Geno. Utvalet skjer berre fire gongar i året, og den aller beste NRF-oksen gjennom året blir premiert med den høgste utmerkinga til Geno; avlsstatuetten.

Utvalet denne gangen består av 25 eliteoksar, der 11 av dei, inkludert Sundal-P er nye på lista.

– Alle oksar som blir kjøpt av Geno vert DNA-testa for å kunne seia noko om kor gode eigenskapar avkomma får. Dette okseutvalet er spesielt sterkt på eigenskapane mjølk, jur og jurhelse. Dette fortel at det er disse eigenskapane som har størst framgang for tida, forklarer Geno.

Geno SA er eit samvirkeforetak eigd av 7.700 norske storfebønder. Hovudoppgåvene er avlsarbeid og utvikling av NRF-populasjonen (Norsk Rødt Fe), samt å tilby inseminering av kyr og kviger over heile landet.

– NRF-kua er i verdstoppen når det gjeld eigenskapar som fruktbarheit, helse og livskraft i kombinasjon med god mjølkeproduksjonsevne. Det er stor etterspørsel etter NRF-sæd frå heile verda, og selskapet eksporterer til over 30 land, skriv Geno om seg sjølv