Ein halv million til idretten

13 lokale idrettslag fekk like før jul utbetalt til saman 549.556 kroner i kompensasjon for vare- og tenestemoms for 2017.

Det vart klart då Lotteri- og stiftelsestilsynet offentleggjorde tildelinga av momskompensasjon til idretten 6. desember.

I Hordaland er det 495 idrettslag som til saman får utbetalt rekordstore 32.313.103 kroner. Det er nesten 300.000 kroner meir enn i 2016. Og av dei går over ein halv million til 13 av Kvinnherad sine idrettslag. Mest av alle får Rosendal Turnlag (165.808 kroner), tett etterfølgd av IL Trio (131.251 kroner).