Brannøving i Kvinnherad

Kvinnherad brannvern har i desse dagar øving fleire stadar i kommunen. Så sjølv om du både ser og høyrer sirener, er alt under kontroll.

– Det er rett og slett lovpålagd vedlikehaldstrening for sjåførane våre som har lov til å køyra utrykkingskøyretøy. Så det vert to dagar med blålys og sirener rundt om i Kvinnherad, seier brannsjef Atle Josdal.

I dag (onsdag) har brannvesenet trent både på Halsnøy og på Husnes, medan dei torsdag vil vera i Uskedalen.