Les Grenda si store Frivilligavis

Torsdag 27. oktober lanserte Grenda ei stor Frivilligavis. I denne presenterer me eit utval saker frå den formidable frivilligheita i kommunen.

Forordet til redaktør Håvard Sætrevik kan lesast i heila i e-avisa det er lenka til under, men nokre avsnitt frå denne høver godt å ta med her.

Det er ein god tanke å visa at ein set pris på denne innsatsen, og Grenda ønskjer å vera med og visa fram frivilligheita som blir ytt i Kvinnherad. For å ta det med ein gong: Det frivillige arbeidet som me har presentert i denne avisa er berre å skrapa i overflata av kva innsats som blir lagt ned i kommunen vår. Det er mange hundre lag og organisasjonar som ikkjer er komne med, inkludert mange av dei store. Det er endå fleire eldsjeler som kunne fått skina i rampelyset.

2022 er eit nasjonalt frivilligår, men kvart einaste år er eit frivilligår i Kvinnherad. Og denne frivillige innsatsen er med på å gjera Kvinnherad til ein strålande stad å bu; kvart år, kvar veke, kvar dag.

Les Frivilligavisa her!

Takk!

Grenda vonar at denne avisa kan gje eit lite innblikk i noko av det enorme dugnadsarbeidet som blir lagt ned i alle bygdene i kommunen vår.

Me helsar til sist, som Anbjørn Høivik gjer på side 18, alle dei frivillige og engasjerte innbyggjarane i kommunen vår, som år etter år, eller ein gong innimellom, står på for at Kvinnherad skal vera ein kjekk, meiningsfull, spanande og innhaldsrik stad å bu;

– Tusen takk, godt jobba!