Løyser inn bustaden i Porsvik

Ove Lemicka (FrP) kom med spørsmål til kommunen angåande firemannsbustaden som vart evakuert etter ras i Porsvik under Formannskapet på torsdag.

– Slik eg forstår det er det ueinigheit om ansvarsforholdet mellom vegvesenet og kommunen. Etter snart eit og eit halvt år er dette blitt eit svært yngjande problem for eigaren som ikkje kan gjera noko for å løysa saka. Kan kommunen drøfta ei eventuell utkjøping av denne eigedomen? spurte Lemicka.

– Statens vegvesen og kommunen er einige om at ein ikkje kan flytta tilbake til bustaden grunna rasfaren. Bustaden må innløysast, og kostnadane skal då delast. Det er ein dialog gåande med juristar, og vi skal sjå til at huseigar blir ivaretatt på ein god måte, svarte sektorleiar for teknikk og miljø, Sigbjørn Øye.