To Hurtigruter samstundes

Onsdag ligg to av Hurtigruten sine ekspedisjonsskip i Rosendal samstundes.

Både «Otto Sverdrup» og «Maud» ankra opp i Rosendal i morgontimane onsdag. Det er 10. gong fyrstnemnde kjem til bygda i år, medan «Maud» er her for fjerde gong. Men det har ikkje hendt tidlegare at dei ligg i Skålavikjo på same dagen.

Ifølgje anløpsplanen skal «Otto Sverdrup» koma attende til Rosendal to gonger kvar månad resten av året. «Maud» er på si side ferdig med sesongen på våre kantar.

Før skipa vart ein del av Hurtigruten Expeditions, gjekk begge i vanleg hurtigrutetrafikk. «Otto Sverdrup» bar då namnet «Finnmarken», medan «Maud» var kjent som «Midnatsol».