Ny nominasjon til Njål Thunold Hatteberg sin designtrio
«Skave» er nominert til Årets Tilbehør i BO Bedres Designpris 2022. Trioen som har designa den er nominert til Årets Nykommar.
«Skave» er boksar laga av designtrioen Ytre, som består av Njål T. Hatteberg, Taran Neckelmann og Ayla Gûrsoy. Dei drøymer om å skape ting som kan gje glede i lang tid, står det på nettsida til Fram Oslo, som også er ein plattform for designarar og produsentar.
Tidligare har Hatteberg skildra desse boksane til Grenda på følgjande vis:
Artikkelen held fram under annonsen.
– Boksane er teikna saman med to medstudentar ved KMD. Her har vi teke føre oss arkitektoniske element frå vestlandsarkitekturen – bølgjeblikk, murstein og vestlandskledning. Elementa har vi implementert i denne serien oppbevaringsboksar.
Bo Bedres Designpris arrangeras i år for 14.gong. Dette er ein pris som blir tildelt Norges fremste designarar og produsentar.