Kunstnarpresentasjon på klosteret

Dei siste opphaldskunstnarane for i år er på plass på Halsnøy kloster, og 1. september vil dei presentera seg og sitt arbeid.

Robert Carter frå England, Benjamin Barda frå Frankrike og Florence D’Elle frå Belgia er dei siste kunstnarane for i år, i samband med kunstnaropphalda til Halsnøy kloster.

Torsdag 1. september vil dei fortelja om seg sjølve og korleis dei jobbar under sitt trevekersopphald på klosteret.

– Kom og bli med til ein interessant time. Vi held også open utstillinga i kjellaren og har enkel kafé, lokkar Halsnøy kloster.