Så mange vil gå på SFO
– Vi ser at tal på elevar som no søkjer seg til SFO har auka etter at gratis kjernetid på 1. trinn vart innført, seier rådgjevar i Kvinnherad kommune Hilde Kjelstrup.
Førsteklassingane har akkurat starta i skule og SFO, og nytt dette skuleåret er at regjeringa har innført 12 timar gratis SFO kvar veke for alle barn på første trinn. I år er det dermed ei auke i tal på elevar som nyttar seg av fritidsordninga.
– Vi ser at tal på elevar som no søkjer seg til SFO har auka etter at gratis kjernetid på 1. trinn vart innført, og då spesielt at søknad om tilbodet på ettermiddag, der kjernetida ligg, har auka stort etter innføringa, skriv rådgjevar i Kvinnherad kommune Hilde Kjelstrup i ein e-post til Grenda.
Artikkelen held fram under annonsen.
88 prosent av førsteklassingane i Kvinnherad vil i år nytta seg av skulefritidsordninga. I fjor var talet høvesvis 60 prosent.
Sjå SFO-tal frå dei siste åra her:
Tal på elevar i 1. trinn som har SFO skuleåret 2022-2023
| Bringedalsbygda | 8 |
| Halsnøy | 27 |
| Hatlestrand | Heildagsskule |
| Malmanger | 12 |
| Omvikdalen | 3 |
| Skarveland | 3 |
| Sunde | 8 |
| Undarheim | 21 |
| Uskedalen | 6 |
| Valen | 15 |
| Åkra | 1 |
| Totalt | 104 |
Tal på elevar i 1. trinn som gjekk SFO skuleåret 2021/2022
| Bringedalsbygda | 3 |
| Halsnøy | 19 |
| Hatlestrand | 2 |
| Malmanger | 10 |
| Omvikdalen | 7 |
| Skarveland | 0 |
| Sunde | 9 |
| Undarheim | 11 |
| Uskedalen | 8 |
| Valen | 15 |
| Åkra | 0 |
| Totalt | 84 |