Båt på land i Langgot
Ein 34 fot stor fritidsbåt med to personar om bord har køyrt på land i Langgot, politiet mistenker promille.
Begge personane, ein mann og ei kvinne, har kome frå uhellet utan skadar.
- Det er ein landgrunn stad og båten skal ha drive inn mot land. Det er snakk om mindre skadar på båt og ingen personskadar. Det er mistanke om promille og vi etterforskar det vidare, seier operasjonsleiar Stein Rune Halleraker til Grenda.
Artikkelen held fram under annonsen.
Ulukka skjedde like etter klokka 15 fredag ettermiddag. Politi, brannvesen og ambulanse rykte alle ut, men er no ferdige på staden.
- Sidan det ikkje er personskadar eller store materielle skadar er vi ferdige på staden, og vil etterforska vidare om det er snakk om promille og kor vidt dei hadde lov til å køyra båten, sluttar Halleraker.