Fjellhaugen held stengt i helga

Fjellhaugen skisenter stengjer både trekket og ljosløypa denne helga.

– Med tungt hjarte ser vi oss nøydde til å halda stengt i helga. I dag, fredag, kjem det store nedbørsmengder i form av regn, og om vi prøver å laga løyper så endar vi berre opp med å øydeleggja sålen vi har, skriv Fjellhaugen skisenter på Facebook.

Det gjeld både i alpintrekket, ljosløypa og fjelløypa.

– Målet vårt er å halda på snøen fram mot påske, melder skisenteret.

Men sjølv om det ikkje skal køyrast løyper fredag, tek ikkje dugnadsgjengen fri.

– I dag skal vi assistera kommunen og Kvinnherad Turlag med å frakta materiale til Fagnabotn. Dette skal det lagast klopper av slik at det vert enklare å koma seg til dagsturhytta når snøen er vekke, står det å lesa i meldinga frå skisenteret.