Lastebil fekk frontruta knust

Tysdag ettermiddag klokka 13.45 fekk politiet melding frå ein lastebilsjåfør som hadde fått frontruta knust i Folgefonntunnelen.

Grunnen til uhellet var at bjelkane på taket til bilen føre skal ha losna og hamna i frontruta til lastebilen bak.

– Vi har lite informasjon om bilen føre, og er interesserte i tips frå publikum om det er nokon som har høyrt eller sett noko, fortel Torgeir Fosse ved Kvinnherad lensmannskontor.