Landbrukskontoret har 600.000 SMIL-kroner å dele ut

Skal du søkje SMIL-midlar er tida inne for å gjera det no.

– I år har vi fått tildelt kr 600.000. Dette er ein auke på kr 100.000 frå i fjor. Vi takkar Statsforvaltaren for det, skriv dei samstundes som dei lyser ut SMIL-midlane (Tilskot til særskilte miljøtiltak i jordbruket) for 2022.

Formålet med SMIL er å fremja natur- og kulturminneverdiane i jordbruket sitt kulturlandskap og å redusera forureining frå jordbruket, utover det som kan forventast gjennom vanleg jordbruksdrift. Aktuelle tiltak kan til dømes vera rydding av gammal kulturmark, restaurering av gamle kulturminner og tiltak som reduserer utslepp til luft og vatn. Dette informerer Landbrukskontoret om på kommunen sin nettstad.

I følgje landbruksdirektoratet kan «den som eig eller leiger ein landbrukseigedom der det går føre seg jordbruksproduksjon med tilskotsrett» søkje tilskot. Privatpersonar og føretak kan søkje om tilskot.

Fristen for å søkje midlar frå ordninga i Kvinnherad er 15. mars.