Opnar pizzarestaurant i Rosendal

Det ser ut for at Rosendal skal få endå eit serveringstilbod.

Selskapet Pizzeria Milano AS har nemleg søkt om serveringsløyve. Der er adressa Skålagato 52 oppgjeve, og det er bygninga som Kvinnherad Sparebank tidlegare heldt til i. Grenda er kjent med at det dei siste vekene har føregått oppussing i fyrste etasje i bygget.

Bak selskapet står Ayse Celep frå Bergen. I søknaden blir det opplyst at opningstida vert kvar dag frå klokka 14 til 23. Det blir vidare informert om at det vert 50 sitjeplasser innandørs og 30 ute.

Grenda har ikkje lukkast med å få kontakt med Celep, men utifrå det vi kan sjå på nett, er dette ein familie som driv liknande restaurantar fleire stader i Hordaland.