Reduserer på oppussinga
Oppgraderinga av kommunestyresalen blir ikkje så omfattande som planlagt.
Kommunestyresalen i rådhuset er etter kvart blitt noko nedsliten og teknologisk utdatert. Difor har ei betydeleg oppgradering stått på programmet, og ein har tenkt både på å endra interiøret, laga betre publikumsfasilitetar, skifta inventar og montera moderne, teknologisk utstyr.
Det vart også sett av midlar i budsjettet for 2021, og arbeidet skulle eigentleg ha starta i haust, men slik vart det ikkje. Ei av årsakene til utsetjinga, er at priskalkylane vart høgare enn forventa. På måndag hadde ordførar Hilde Enstad (Ap) og kommunedirektør Ragnhild Bjerkvik ein gjennomgang av prosjektet.
Artikkelen held fram under annonsen.
– Spørsmålet er kva som skal prioriterast og kor mykje det vil kosta. Eg var med og tok det litt ned, så no er himlingar og vegger ute av prosjektet. Etter mitt syn er det fyrst og fremst viktig å få på plass nye stolar, fortel Enstad.
– No skal arbeidet ut på anbod, og så får vi gå gjennom prisane og sjå om meir må takast ut, legg ho til.