Skaut seg vekk på sprinten
Med sine fire bom vart det langt opp til teten for Martin Femsteinevik under laurdagens sprint i Brezno-Osrblie.
Etter onsdagens strålande comeback-løp i IBU-cupen, med fire fulle hus og 2. plass på 15. kilometeren, fekk Martin Femsteinevik det litt tøffare under laurdagens 10 kilometer i den slovakiske skilandsbyen Brezno-Osrblie.
28-åringen frå Hatlestrand starta som 34. mann av i alt 89 startande, og fekk ein tåleg god start med berre éin bom på fyrste skyting.
Artikkelen held fram under annonsen.
Men då tre av fem blinkar vart verande svarte etter ståande skyting, vart det for langt opp til dei beste for Martin. Han kryssa mållinja 2 minutt og 35 sekund bak tida til franske Emilien Claude, som vann sprinten 15 sekund føre norske Sindre Pettersen.
Martin Femsteinevik si tid heldt til slutt til ein 44. plass på laurdagens sprint.