NVE utvidar til raudt nivå i to nabokommunar
NVE har no utvida varslingsområdet for jord-, sørpe- og flaumskredfare på raudt nivå i Kvam og Ullensvang.
Ekstremvêret Gyda kjem inn frå vest onsdag. Mildvêr, vind og ekstremt mykje regn fører til stor fare for flaum og skred på Vestlandet. NVE sendte tysdag ut eit farevarsle på oransje nivå for heile fylket, men har sidan då oppjustert til raudt nivå i fleire kommunar.
Kommunane Stryn, Gloppen, Sunnfjord, Sogndal, Luster, Lærdal og Årdal fekk raudt nivå tysdag ettermiddag, medan Statsforvaltaren i Vestland onsdag klokka 12.00 kan melda at også Ullensvang og Kvam no er blant dei mest utsette kommunane.
Artikkelen held fram under annonsen.
– Vi viser til tidlegare utsende farevarsle. NVE har no utvida varslingsområdet for jord-, sørpe- og flaumskredfare på raudt nivå til å gjelda følgjande kommunar; Høyanger, Vik, Voss, Kvam, Ullensvang, Modalen, Vaksdal og Osterøy, står det å lesa i pressemeldinga.