Ragnhild imponerte også i dag

Også på søndag leverte Ragnhild Femsteinevik ein strålande prestasjon i IBU-cupen i skiskyting.

På laurdag vann ho rennet i Slovakia i overlegen stil. Søndag var det klart for ny sprint-konkurranse same stad. Medan Ragnhild skaut feilfritt dagen før, opna ho denne gong med éin bom på liggjande. Andre skyting var derimot prikkfri, og hatlestrendingen la ut på siste runden 23,8 sekundar bak russiske Larisa Kuklina, som gjorde ingen feil på standplass.

Femsteinevik var dagens raskaste i sporet, og tok kraftig innpå russaren. Men i mål mangla det diverre 2,4 sekundar. Sølvmedalje er uansett svært bra. Kanskje er det også godt nok til at ho snart får prøva seg i verdscupen att?