Ådnanes byrjar som prostiprest
Søndag hadde Reidar Ådnanes avskilsgudsteneste etter fire år som sokneprest i Husnes og Holmedal sokn.
No skal han jobba som prostiprest i heile Sunnhordland, med base på Stord.
Artikkelen held fram under annonsen.
– Då vert det ein god del teneste på Stord, og litt elles etter behov, fortel Ådnanes.
Sjølv om han hadde avskilsgudsteneste i helga, så har han framleis fleire lokale oppdrag i kalenderen.
– Framover mot jul skal eg ha lysmesser med konfirmantane i fleire bygder her i Kvinnherad, så vert det meir tilfeldige opptredenar etter jul, opplyser presten.
No skal det lysast ut to nye stillingar som sokneprest. Ein i Husnes og Holmedal sokn, og ein i Uskedal sokn.
– Det er jo som kjend vanskeleg å rekruttera, så det vert spennande å sjå om ein får folk til begge stillingane. Det får me håpa på, sluttar Ådnanes.