Marion Woodseth og Inge Bremnes i eit felles univers

Marion Woodseth og Inge Bremnes er i dag ute med sin nye singel «Veien tilbake».

Fredag morgon sleppte Marion Woodseth og Inge Bremnes sin nye singel.

– Det er i ei låt som betyr mykje på mange måtar. Når eg og Alf Vaksdal bestemde oss for å køyra på med musikken, sat me opp ei liste med ganske hårete mål. Me lærte å drøyma stort. Eit av namna på lista er i mine auge ein av Noregs beste låtskrivar og vokalist, skriv Woodseth på Instagram.

I innlegget hennar referera ho til Inge Bremnes frå Bremnes i Kvæfjord kommune. Han har tidligare gjeve ut tre kritikarroste album, “Mellomspill”, “Har det no å si” og «Skadedyr/Vanedyr». Bremnes sin fjerde fullender er venta hausten 2022.

– Me har kost oss med å dykka inn i kvarandre sine univers, og eg gleder meg veldig til dykk skal høyra den, skriv Marion Woodseth på Instagram.

Vale-jenta er ein relativt fersk artist, men har på kort tid blitt ein godt likt artist med mellom anna P3 og P1 listingar, gode omtalar i VG, anbefalt i Urørt og blitt skrevet om i ein rekke magasiner.

– Artistane Marion Woodseth og Inge Bremnes hentar inspirasjon frå fleire av dei same kjeldene, mellom anna Sigurd Ros og Bon Iver. Det er svært, men samtidig nært - ærleg og upretensiøst, men også storslagent, grenseløyst og pustande, står det å lesa i ei pressemelding.

«Veien tilbake» er ute på dei ulike strøymeplattformane i dag.