Fryktar torevêr - endrar løypa
På grunn av dei dårlege vêrmeldingane med mykje vind, regn og torebyer, har arrangørane av laurdagens Folgefonna Opp beslutta å flytta mål ned til Gardhammar (745 moh).
- Vi set tryggleiken til løparane først. Samstundes flyttar vi start heilt ned på kaien, og vil følgja Isvegen innover dalen heilt frå første stund. Traseen blir no ca 6 km, står det i ei pressemelding.
Artikkelen held fram under annonsen.
Maurangerdagen vil også bli nede på kaien i sentrum og alle dei kjekke aktivitetane går som planlagt. Premieutdeling blir også nede på kaien.
Parkering blir ved Mauranger Skule og registrering ved start.
Arrangørar er Uskedalen IL og Ænes og Mauranger Bygdalag.