Ny møtestad for kommunestyret
Dei næraste månadane vert Kulturhuset Husnes møtestad for kommunestyret.
Då kommunestyret torsdag kveld endeleg kunne samlast fysisk igjen, skjedde det som vanleg i kommunestyresalen i rådhuset. Men ordførar Hans Inge Myrvold (Sp) kalla det «ei lita gjesteopptreden» sidan Kulturhuset Husnes var oppteken til vaksinering. Kommunestyresalen ventar nemleg på ei naudsynt oppgradering.
– I nær framtid må vi belaga oss på at Kulturhuset Husnes vert møtestad, sa Myrvold.
Artikkelen held fram under annonsen.
Han vonar arbeidet i rådhuset vil starta om kort tid i haust/vinter. I tillegg til at det interiørmessige skal løftast, ser han òg fram til at salen skal bli utstyrt med meir moderne teknologiske hjelpemiddel, mellom anna for fjernmøte.
– Alle utval og formannskapet skal nytta denne salen når vi kjem tilbake, understreka Myrvold.