Innsetjing av prestevikar
Bjørgvin bispedømeråd har tilsett Åse Selsvold, Bømlo som prestevikar i Kvinnherad i 100 % stilling i eitt år. Biskopen har gjeve henne mynde til å forretta dåp og nattverd.
Artikkelen held fram under annonsen.
Komande sundag vert ho innsett i denne tenesta av prost Svein Arne Theodorsen. Innsetjinga skjer på gudsteneste i Valen kyrkje, der mellom anna soknerådsleiar Liv Slettemark og kantor Eva Megyesi tek del. Det vert nattverd og takkoffer til Kyrkjelydsarbeidet.
Etter gudstenesta inviterer Husnes og Holmedal sokneråd til kyrkjekaffi tilpassa koronasituasjonen og godkjent av kommunelegen.
– Det er kjekt om mange vil vera med og helsa den nye medarbeidaren velkomen. Namn og mobilnummer til deltakarar vert registrert for å bidra ved eventuell smittesporing, og vert sletta etter ti dagar. Ta gjerne med lapp med namn og telefonnummer og lever i døra når du kjem, oppmodar prost Svein Arne Theodorsen i samband med innsetjinga.