God sesongstart for Halsnøy

Det var to målscorarar, begge med etternamnet Eide, som sørga for at Halsnøy slo Ørnen 3-2 på bortebane laurdag. Halsnøy kunne difor reisa heim att til Perlo med ein god sesongstart i bagasjen.

Halsnøy lukkast med planen om å gå ut å pressa vertane, og allereie nokre minuttar inn i kampen produserte dei nokre farlige sjansar, uten hell. Det same gjaldt Ørnen.

Kjetil svara etterkvart med eit brot på midten, og med litt småspel, limar Fredrik Eide ballen i vinkelen med utsida. 1-0 til Halsnøy.

Mot slutten på fyrste omgang slår Jan Karsten ein flott pasning til Kjetil, som sendte Halsnøy opp i 2-0 ledelse. Det overlegne spelet til Halsnøy, skapte høg temperatur blant spelarane på Ørnen, som resulterte i eit gult kort. Då passa det godt at dommar bles av til pause.

Herlege tre poeng

I andre omgang kom Halsnøy keeper, Ingvard Hølland, seg i skuggen, noko det barberte hovudet hans trong. Halsnøy tar styringa også etter pause, men brenn av nokre store sjansar.

Godt inn i andre omgang bryt Fredrik Eide på midten. Etter eit fint veggspel med Christian Særsten Fjelland, set han ballen kontrollert i hjørna.

Ørnen gav seg ikkje, og skapte fleire sjansar ut i andre omgang. Dei sette til slutt inn det som skulle bli deira einaste mål, og sluttresultatet vart 3-1 til Halsnøy.

– Det var ein godt gjennomført kamp av oss, med god innsats og moral av alle. Me løfter oss fleire hakk i forhold til Odda kampen, og går på banen for å vinna. Det var herlege tre poeng i Bergen, og fin start på hausten, seier Kjartan Mehammer.

Halsnøy spelar neste seriekamp laurdag 4. september, heime mot Loddefjord.