Furdal blir med Brann på treningsleir

Det melder Bergens Tidende på nett torsdag.

Johnny Furdal er invitert til å vera med Brann på ein to veker lang treningsleir på Gran Canaria.

Teknikaren trente med Brann nokre dagar i desember, og no er han invitert tilbake til eliteserieklubben.

– Vi ynskjer å sjå meir av han, men vi må avklara dette med Nest-Sotra fyrst, sa Branns sportssjef Rune Soltvedt til BA.

Men Arve Haukeland, sportssjef i Nest-Sotra, gjev ikkje inntrykk for å stå i vegen for det.

– Det er lenge sidan vi sa til Brann at Johnny kunne fått vera med dei på treningsleir. Det er kjekt for han, det. Eg hadde kost meg som Brann-spelar på Gran Canaria i 14 dagar også, seier Haukeland til Bergens Tidende og legg til.

– Vi vil jo at Johnny skal få sjansen, samtidig som han er vår beste spelar. Det er kjekt viss han er hos oss og sankar poeng også, men Johnny har spelt ti år i Nest og då skal vi gjera det vi kan for at han kan få sjansen i Eliteserien. Samstundes må Brann forholda seg til at han er vår beste spelar med to år igjen av kontrakten, seier Haukeland.