Tre kvinnheringar på topp 50
Sportsredaksjonen i Haugesunds Avis har lagt hovudet på blokka og vurdert områdets beste fotballspelarar i 2017. Ei liste kor tre kvinnheringar har krangla seg inn.
Toppen av lista er prega av store namn som Håvard Nordtveit, Eirik Ulland Andersen, Alexander Søderlund og Christian Grindheim. Men går vi ned til 17. plass finn vi vår fyrste kjenning, nemleg Johnny Furdal.
– Den elegante kvinnheringen scora sju mål på 24 kampar for Nest-Sotra, som rykka opp igjen frå 2. divisjon. Er også aktuell for Brann, står det å lesa i grunngjevinga.
Artikkelen held fram under annonsen.
Neste lokale helt er Roger Ekeland på ein 23. plass.
– Scora 15 mål for Stord i 3. divisjon i vår. Vart henta til Sandnes-Ulv i sommar og fekk seks innhopp i 1. divisjon i haust, skriv Haugesunds Avis.
Rune Å. Mo sine prestasjonar i 2017 har gjort seg fortent til ein 41. plass på lista.
– Den tidlegare Trio- og Stordspelaren spelte 15 kampar på midtbanen for eit veldig godt 2. divisjonslag, står det å lesa.
Haugesund Avis nemner også elleve namn som var veldig nære å koma med, blant dei Anders Næs som spelar i Øystese.