1 million bilar

I går køyrde Arne og Solveig Ormevik frå Ulefoss gjennom Jondalstunnelen etter å ha besøkt dottera på Bjorøy. Bilen deira vart nummer 1 million som passerte gjennom tunnelen.

I Nordrepollen vart ekteparet overraska av trekløveret Toralv Mikkelsen, John Skogseth og Jostein Ljones frå tunnelselskapet, som overrekte ei korg med ulike gåver frå Hardanger.

– Trafikken har vore større enn prognosane. Vi trudde at bil nummer 1 million ville koma kring St. Hans, sa styreleiar Toralv Mikkelsen i Jondalstunnelen AS til Hardanger Folkeblad.

Han la til at det så langt i juni har passert kring 700 bilar i snitt kvar dag

– Prognosen var 435 ÅDT i 2012, og per i dag er ÅDT 666 per dag, sa Mikkelsen.

Jondalstunnelen opna 7. september 2012.

– Det er fantastisk. Vi nådde 1 million mange år før nokon hadde trudd, sa dagleg leiar John Skogseth til avisa.