Hugs å meld deg på Fantasy-ligaen

Grenda sin nye konkurranse handlar om fotball. Men lesarane skal sleppa å spela sjølve, derimot gjeld det å sy saman eit best mogleg «Fantasy»-lag. Over 60 har allereie meldt seg på.

 

Det nærmar seg seriestart i engelsk fotball med stormskritt. Det betyr også at ein ny sesong med «Fantasy» berre er nokre veker unna. Fredag 9. august brakar det laus med begge deler.

Konseptet «Fantasy» går kort fortalt ut på å laga dei eige lag, fritt valt blant alle spelarane i Premier League. Men det finst avgrensingar når det gjeld kor mange du kan ha frå eitt einskild lag, og ikkje minst kor mykje laget ditt kostar. Så handlar det om å skaffa seg mest mogleg poeng. Dei vert rekna ut etter om spelaren din scorar eller har målgjevande, og for forsvarsspelarane og keeper er det også stor bonus ved å halda buret reint.

 

Greie på fotball

Grenda arrangerer i år ein eigen «Fantasy»-konkurranse for folk med tilhøyrsle til Kvinnherad.

– No kan du endeleg få visa at du har meir greie på fotball enn dei aller, aller fleste andre, smiler redaktør og Manchester United-patriot Håvard Sætrevik.

I tillegg til premiar kvar månad gjennom sesongen frå august til mai, er det ein stor hovudgevinst å kjempa om. Den som har sikra seg flest poeng ved sesongslutt vinn nemleg ein fotballtur for to personar til England (inkludert fly, hotell og kampbillettar).

 

Grendaligaen:

* Meld deg inn allereie no. Hugs at fyrste kamp vert spelt fredag 9. august.

* Påmelding og laguttak skjer på den vanlege Fantasy-sida til Premier League.

* Grendaligaen har kode: pj1dpy

* For meir informasjon, sjå: grenda.no/grendaligaen

* Grenda vil gjennom sesongen by på mykje redaksjonell omtale av ligaen, mellom anna tabellar.

* For å kunna vinna ein av premiane må vedkomande ha tilknyting til Kvinnherad. Vi har definert «tilknyting» som at personen på eit tidspunkt har hatt fast bustadadresse i Kvinnherad.