– Utfordringar med Matrekrysset

Matrekrysset har bydd på nokre hinder i vegen for arbeidet med dagsturhytta.

Som kjent skal Kvinnherad kommune, etter ein politisk ekstrarunde, plassera dagsturhytta ved det vakre Nautavatnet. Kommunedirektør Ragnhild Bjerkvik informerte kommunestyret om status per no.

– Tomta er i ferd med å bli gjort klar, og sjølve hytta vert levert i haust i prefabrikkerte deler. Framdrifta er som ynska, men som i alt anna nybrotsarbeid dukkar det opp utfordringar undervegs. Denne gongen gjeld det eit kryss ved eksisterande tilkomstveg, det såkalla Matrekrysset. Men så langt har vi klart å finna løysingar fortløpande, sa ho, utan å utdjupa kva utfordringane konkret dreiar seg om.