Spelte uavgjort mot seriefavoritten

Synne Eide Bjørnebøle spelte heile kampen då Åsane snudde 0-2 til 2-2 heime mot seriefavoritt Røa laurdag.

Det såg ut til å bli ein tung dag på jobben for oransjetrøyene frå Åsane då Røa sette inn 2-0 etter berre 30 minutt på Myrkdal laurdag. Men Synne Eide Bjørnebøle og Åsane løfta seg skikkeleg etter sidebyte.

Vertane trengte berre elleve minutt av andre omgang på å snu kampen til 2-2, som også vart sluttresultatet. Med det tok Åsane sitt fyrste poeng i 1. divisjon denne sesongen.