Forseinka arbeid med Dill

Formalitetane rundt at Kvinnherad Vekstbedrift mogleg skal overta Dill, er enno ikkje heilt avklara.

I februar fremja Sp, Ap og SF forslag om å gjera Dill AS til eit dotterselskap av Kvinnherad Vekstbedrift. Men Dill, som held til på Halsnøytunet, skal uansett vidareførast som selskap og merkevare. Opphavleg vart det bede om at ei utgreiing av saka skulle leggjast fram for formannskapet i april. Slik vart det ikkje.

– Det pågår framleis sonderingar og vurderingar kring Kvinnherad Vekstbedrift si mogelege overtaking av Dill. Arbeidet vart noko forseinka, men er intensivert i det siste. Kvinnherad Vekstbedrift kartlegg no ein del fakta og marknadspotensiale, før styret skal ta stilling til saka. Ordførar vil følgja prosessen, opplyste Hans Inge Myrvold til kommunestyret på torsdag.