Ønskjer tips om fangst av rømd oppdrettslaks i Hardanger
Fiskeridirektoratet varslar om mogeleg lakserøming frå oppdrettslanlegg ved Herand, og vil ha tips frå publikum som får laks på kroken eller i garnet.
– Fiskeridirektoratet er gjort kjend med observasjonar av mogleg rømd oppdrettslaks i midtre Hardanger, og ønskjer tips frå publikum om fangst av slik fisk, melder dei, etter at dei i pinsehelga fekk melding om mogleg rømd oppdrettslaks i området rundt Herand.
– Vårt fartøy «Eir» var i området og fekk i oppdrag å gå til Herand. Etter å ha snakka med fritidsfiskarar på staden, fekk mannskapet bekrefta opplysningar om ein fanga oppdrettslaks på om lag halvanna kilo.
Artikkelen held fram under annonsen.
Ønskjer tips og bilete
Fiskeridirektoratet ønskjer tips frå publikum som har fanga mogleg rømd oppdrettsfisk.
– Då det no er både vill aure og laks i fjorden, ønsker me òg bilde av fisken for å få avklart om observasjonane dreier seg om oppdrettsfisk eller villfisk, melder direktoratet vidare.
Fiskeridirektoratet tek imot tips på døgnopen telefon 55 23 83 36.