I dette spelet kan du kriga på Skorpo

I dataspelet Squads kan spelarane kriga mot kvarandre i gjenkjennelege omgjevnadar frå Kvinnherad. Spelutviklarane har nemleg henta inspirasjon frå Uskedalen og Skorpo til eit av karta i spelet.

I fleirspelarspelet Squads vert 100 spelarar delt i to for å kjempa for ein av to motståande militærfraksjonar. Kvart lag vert så delt opp i mindre patruljar, som i spelet vert kalla squads.

I spelet kan ein velja blant ei rekkje banar ein vil kriga på, blant dei finn vi kartet som har fått namnet Skorpo.

Her utspelar krigen mellom fraksjonane seg på Børneset, Skorpo, Uskedalen sentrum og oppe i fjella. Og sjølv om fleire av faunaen av bygningar ikkje alltid er like gjenkjenneleg, er det meste av geografien det.

– Den rolege landsbyen Uskedalen og øya Skorpo blir sett på som ei viktig strategisk slagmark for å få kontroll over Nordsjøen. Smale, vindfulle vegar og mørke tunnelar følgjer kystlinja, og er ein utfordrande flaskehals for ein kvar mekanisk styrke. Det er også vanskeleg å halda forsyningslinjene opne, ettersom det ikkje er mykje handlingsrom. Å bruka den varierte høgda på landskapet og skjulte skogsvegar vil gi mange fordelar, men vær merksam på at fienden også kan ha den same ideen, står det å lesa i beskrivinga av kartet Skorpo.

Squads er utvikla av det canadiske speleselskapet Offworld Industries, og kom for første gong ut som ein beta-versjon i desember 2015. Sidan då har det vore mange nye oppdateringar, og spelet vart på nytt utgjeve på Steam 23. september i år. Då med Skorpo som eit av dei alt tjue unike karta spelarane kunne landa på.