NordRen overtek bosskøyringa

På tysdag signerte SIM og NordRen AS kontrakt om innsamling av hushaldsavfallet frå innbyggjarane i Sunnhordland. Kontrakten har ein verdi på om lag 20 millionar kroner årleg.

I ei pressemelding går det fram at avtalen har ei varighet på seks år, med høve til forlenging i 1+1+1 år.

– Vi er svært nøgde med avtalen vi no inngår og selskapet som skal henta

hushaldsavfallet i SIM-området dei neste seks åra, seier dagleg leiar i SIM, Terje Gilje.

Dagleg leiar i NordRen AS, Svein Sørensen, ser fram til å starta med oppdraget.

– Dette er den fyrste kontrakten vår på Vestlandet, og for oss er dette ein viktig kontrakt

som vi skal gjera vårt beste for å gjennomføra på ein god måte, seier han i pressemeldinga.

SIM lyste ut konkurransen i mars, og fekk inn fire tilbod. Selskapet som vann har lang erfaring frå renovasjonsbransjen og har hushaldsrenovasjon som sitt hovudvirke. NordRen er lokalisert i Sørum i Akershus, og har liknande oppdrag for Rygge, Vestby, Våler og Nes kommunar. I tillegg skal dei starta opp kontraktar i FolloRen IKS og Agder.

 

Plast

Den nye avtalen gjer det mogeleg for SIM å endra innsamlingsordninga for

innbyggjarane. Frå april 2018 vil alle få tilbod om henting av restavfallet to gonger i

månaden, I tillegg til henting av plastemballasje.

– Årsaka til at vi ikkje har innført dette tidlegare er at det ville medført for store kostnadar

sett opp mot gevinsten. Difor var det naturleg å venta til ny kontrakt skulle lysast ut, opplyser Gilje.