Strand-Ulv-kvartett inviterer til sandvolleyballskule: – Vil dela vår kunnskap og glede

Volleyballspelarane Lars Kristian Ekeland, Sturla Gaugstad, Henrik Tholo Aasen og Tora Tuften Aksnes-Øystese inviterer til sandvolleyballskule på Hatlestrand i juni.

Dei fire volleyballspelarane inviterer både store og små til sandvolleyballskule på Hatlestrand 18. til 20. juni.

– Vi synest det er veldig kjekt med volleyball og har lyst til å dela den kunnskapen og gleda med dykk, skriv kvartetten i invitasjonen.

Planen er å dela skulen opp i to aldersgrupper. Ei frå 3. til 6.-klasse og ei frå 7. klasse og oppover.

– Alle er velkomne, og du treng ikkje å ha spelt volleyball før. Vi har lyst på ei bra helg saman med dykk, og vi håpar at du har lyst til å vera med på denne skulen, skriv initiativtakarane i invitasjonen.

Det er lagt opp til trening alle dagane, med leik og grilling på laurdagen.

– Vi tek sjølvsagt koronasituasjonen på alvor, og har kontakta kommuneoverlege Glenn André Opland for å høya om kor mange vi kan ha i kvar gruppe. Vi har fått beskjed om at vi kan vera opptil 200 personar, skriv dei.