Kvinnherad Breiband har bestemt seg for ny lokasjon

Eit einstemmig styre i Kvinnherad Breiband vedtok onsdag å flytta selskapet frå Dimmelsvik til Husnes.

Etter at det ved årsskiftet vart klart at Kvinnherad Breiband skulle flytta ut av dagens bygg i Dimmelsvik, har breibandsleverandøren gjennomført ei lang og grundig evaluering av ny lokasjon for selskapet.

– No er vi endeleg klare til å offentleggjera resultatet, skriv dagleg leiar Gunnhild Nilsen Hillestad i ei melding.

Eit einstemmig styre gjekk nemleg inn for å flytta Kvinnherad Breiband frå energibygget i Dimmelsvik til det komande Seniorsenteret på Husnes.

Grenda kjem tilbake med meir informasjon etter at Kvinnherad Breiband og utbyggjar har hatt pressemøte fredag.