Stor politiutrykking til Varaldsøy

Politiet har torsdag kveld rykka ut med store styrkar til Varaldsøy, men vil førebels ikkje seia noko om kvifor.

Grenda har vitneobservasjonar på at fleire politibilar har køyrt i land på Varaldsøy torsdag, og er observert i noko som verkar til å vera ein politiaksjon på ei bustadadresse på øya.

– Eg kan ikkje seia noko om dette på noverande tidspunkt, det vil koma informasjon seinare, seier lensmann Sigurd Børve til Grenda.

Tidlegare på kvelden har Fjord1 gjentekne gonger meldt om forseinkingar i ferjetrafikken i sambandet Gjermundshamn - Varaldsøy - Årsnes grunna ambulanseoppdrag for ferja.

Twitter-kontoen 110Vest meldte i 20-tida at ein av brannavdelingane i Kvinnherad opptredde som First responder, som assistanse til helse. Denne meldinga samanfall i tid med meldinga frå Fjord1 om at ferja måtte ut i ambulanseoppdrag.

Grenda kjem tilbake med meir.