Vil gjennomføra politiske møte
Administrasjonen legg opp til å gjennomføra alle dei politiske møta som vart avlyste i føøre veke.
Etter planen skal det haldast ei rad politiske møte i neste veke. Då tar administrasjonen opp møtelista att, etter at det i blei avlyst fleire møte.
Artikkelen held fram under annonsen.
– Me tenkte då at det ikkje ville vere mogleg å avvikla desse før påske, men ser no at me har høve til å gjera dette neste veke. Vår vurdering er slik at det er viktig å ikkje utsetja saker som mellom anna planarbeid og sentrale prosjekt, som kan vera viktige mellom anna for næringslivet, forklarer kommunedirektør Ragnhild Bjerkvik.
Møta vil bli avvikla som fjernmøte frå måndag av, og i første omgang er det møte i Levekårsutvalet, Eldrerådet, Råd for menneske med nedsett funksjonsevne og Utval for plan, teknikk og miljø som vil bli halde.
– Me byrjar å bli gode på dette etter kvart, og ordinære utvalsmøte er av eit omfang som gjer at dette bør er overkommeleg, meiner kommunedirektøren.