Har du ein røykvarslar utan batteripute? Då bør du skifta den ut

Har du gamle røykvarslarar heime eller på hytta? Då bed Kvinnherad brann og redning deg om å sjekka om dei har batteripute. Har dei ikkje det bør du byte dei ut.

– Sjekk om dei har batteripute som hjelper deg å setta 9-voltsbatteriet rett veg. Om det ikkje har ei slik pute, bør du skifta ut røykvarslarane, tilrår Direktoratet for byggkvalitet og DSB i ei pressemelding.

For om du set inn batteriet feil, går batteriet raskt tom for energi, og det kan i tillegg oppstå varme, røykutvikling og i verste fall brann.

– I tillegg gir ein røykvarslar med feilmontert batteri ein falsk tryggleik fordi den ikkje virker som den skal, står det å lesa i pressemeldinga.

Ifølgje Prognosesenteret finst det i dag cirka 3,5 røykvarslarar per bustad og 2,5 røykvarslarar per fritidsbustad. Til saman vert det vel 10 millionar røykvarslarar i Norge. Av dei anslår Prognosesenteret av 650.000 er utan batteripute.