Fekk politiet på besøk to gonger same natt

Like over klokka halv to natt til søndag fekk politiet meldingar om høg musikk frå ei adresse på Sunde. Musikken forstyrra naboane rundt.

– Patruljen var på plass og gav pålegg om å seinka lydnivået. Halvanna time seinare fekk vi ny melding, og rykte ut til staden igjen. Då fekk vedkomande eit konkret pålegg om å skru av lyden, seier lensmann Sigurd Børve.

Lensmannen fortel vidare at politiet kan oppretta sak og melda forholdet om det er gjentakande brot på høg musikk.