Krasja i bil på parkeringsplass – politiet mistenker promille

Politiet mistenker promillekøyring etter at ein person køyrde i ein annan bil på parkeringsplassen på Husnes storsenter laurdag.

Politiet har oppretta sak både på promillekøyring og køyretøyskade etter at ein person køyrde i ein anna bil på parkeringsplassen på Husnes storsenter i halv tre-tida laurdag ettermiddag.

– Vi fekk hand om vedkomande og prøvar på staden viste klar mistanke om promillekøyring. Vedkomande vart teken med til legevakt for blodprøve, og vi opprettar sak på promillekøyring og køyretøyskade, seier lensmann Sigurd Børve.