Folketalet gjekk attende

Sjeldan har folketalsstatistikken vore så spennande lesnad som i år. Utanom at det totale folketalet har gått ned med 25, kan ein lesa interessante tendensar – både negative og positive – om dei fleste bygdene.

Ifølgje fersk statistikk, som Kvinnherad kommune har fått utarbeidd, har folketalet i Kvinnherad gått attende med 25 personar det siste året. Totalen er no 13.203 personar. Nokre bygder slit med negativ tendens, medan andre kan gle seg over stabil vekst.

Ein treng ikkje vera genial for å hevda at det er ein samanheng mellom tilgang til tomter/bustader og folketalsutviklinga. Den nye oversikten viser dette med all tydelegheit. For dei to samfunna som aukar mest, er Halsnøy og Uskedalen. Begge stader har det vore ei stor satsing på bustadfelt dei siste åra. Husnes og Rosendal går motsett veg, og der har det vore mindre aktivitet på marknaden. Heldigvis er det ting på gang begge stader. Husnes Brygge, kommunen sin bustadpakke og fleire prosjekt i Rosendal vil vonleg slå ut om eitt år eller to.

Les mykje meir i tysdagens Grenda.