No skal fuglane teljast
Den store, nasjonale hagefuglteljinga skal snart gå av stabelen. Dette var tema under familiedagen i Steinparken på søndag.
Dei nasjonale hagefugl-teljedagane er laurdag 25. og søndag 26. januar, men viss det ikkje passar er det mogleg å velja ein annan dag i perioden 20. januar til 2. februar.
Søndag vart det skipa til familiedag i Steinparken, med bål, pølser og pinnebrød. Det var også ei orientering om hagefuglteljinga og om Steinparken sin eigen fugleteljingskonkurranse.
Artikkelen held fram under annonsen.
– Vi delte ut notatbøker i november, slik at deltakarane kan notera kor mange artar dei ser i løpet av vinteren. Vi skal telja opp i mars, og då blir det spennande å sjå kven som har funne flest artar. Det einaste folk treng er blyant og ark, og kanskje eit fuglebrett, fortel Lars Børge Sæberg i Steinparkens venner.
Han legg til at dei som vil vera med i den nasjonale teljinga, må gå inn på nettsida Fuglevennen.no og registrera seg.