Svar om bekken i Steinparken

Ser på Grenda.no at Aud Skåla Amundsen har eit fint dikt på trykk om bekken i Steinparken. Denne bekken får vatnet frå dei to kraftverka i området, høvesvis Skålaverket og Vollakvernfallet. Det er ikkje gjort noko arbeid i tilknyting til kraftverka som forklarar at bekken ikkje sildrar, men om vinteren er det ikkje unormalt at lita vassføring fører til tørrlagt bekk.

I fjor haust vart det gjort vedlikehaldsarbeid på Skålaverket, og det medførte at vasstilførselen periodevis måtte stoppast. Vi har også for tida problem med lausmassar i inntakskanalen vår v/inntaksdammen i Klettadalen, og vil sjå nærare på om dette kan vera ei medverkande årsak.

Skålaverket og Vollakvernfallet vil også ta initiativ til eit møte med Steinparken for å drøfta kva som eventuelt kan gjerast for å sikra ein sildrande bekk så mange dagar som mogleg gjennom året.

Venleg helsing

for Rosendal Elektrisitetsverk AS (Skålaverket)

Knut Førland

Dagleg leiar