Føredrag om Parkinson og demens
Onsdag 22. januar kjem Arnt Even Bøe til Husnes for å halda føredraget «Kjærlighetens pris – Om Parkinson, demensen og oss».
Det er Husnes og Valen helselag som står bak arrangementet i Kulturskulebygget. Føredragshaldar Arnt Even Bøe har bakgrunn som journalist i Rogalands Avis, Adresseavisen og til slutt Stavanger Aftenblad. Etter at han gjekk av med AFP-pensjon i 2001, har han hatt oppdrag for næringslivet, skrive ni faglitterære bøker og halde ulike føredrag. Kona Eli arbeida i Oljedirektoratet og gjekk av samtidig med mannen.
«Då ho, etter 19 år med Parkinson fikk demensdiagnosen i 2018, var dei begge 70 år. Arnt Even la til side alt anna for å ha ho heime lengst mogleg. Det gjekk i to år før Eli kom på sjukeheim, der ho døydde etter eit halvt år, 72 år gamal. Då demensen råka vart det etter kvart mange, triste og einsame kveldar på Arnt Even. Som trøyst byrja han å skriva om det som skjedde med han og kona», heiter det i ei pressemelding.
Artikkelen held fram under annonsen.
Øydela livet
Etter at Eli døydde i april 2021, fullførte Arne Even Bøe føredraget «Om Parkinson, demensen og oss». 2,5 år seinare var manuskriptet til boka «Kjærlighetens pris» ferdig.
«Det er ei nær, ærleg og gripande forteljing om korleis to uhelbredelege sjukdomar angreip og øydela parets liv, litt etter litt, utan stans», står det.
Arnt Even tok deretter kontakt med Nasjonalforeningen for folkehelsa i Rogaland. Det vart starten på eit samarbeid som har ført han fylket rundt til demensforeiningar og andre organisasjonar.