Traff annan bil, køyrte frå staden
Politiet fortel om ein uheldig situasjon utanfor Coop Extra fredag ettermiddag.
Ein bilist kom borti og skada ein parkert bil på parkeringsplassen utanfor Coop Extra. Så køyrte vedkomande frå staden.
– Ein skal ikkje køyra frå staden når ein er uheldig og forårsakar skade på ein annan bil. Ein må stoppa og skriva skademelding, understrekar Sigurd Børve i politiet.
Artikkelen held fram under annonsen.
Folk som var på parkeringsplassen såg hendinga, og skreiv ned registreringsnummeret til bilen som køyrte vekk.
– Me får sjå korleis me grip an dette, det kan jo henda at eigaren av den skadde bilen vil melda saka til oss, seier Børve om vegen vidare.
Elles melder politiet om ei roleg helg.