Stormønstring for Odds sjukehus
1. mai set LO i Indre Hardanger alle andre saker til side og inviterer til tidenes største 1. mai-tog for å bevara akuttkirurgien på Odda sjukehus.
Etter helseminister Bent Høie (H) gjorde vedtak om å avvikla den akuttkirurgiske beredskapen ved Odda sjukehus i føretaksmøtet for Helse Vest måndag 24. april, har initiativtakarar i Odda og nabokommunane sett i gang ei stormobilisering for å få gjort om dette vedtaket i Stortinget 15. mai.
Og for å visa sin misnøye med vedtaket har årsmøtet i LO i Indre Hardanger samrøystes gått inn for å arrangera ei stormønstring for framleis akuttkirurgi og ei styrking av Odda sjukehus på arbeidaranes internasjonale kampdag.
Artikkelen held fram under annonsen.
– Vi inviterer med dette Kvinnherad kommunestyre til å slutta seg til toget, og oppmoda innbyggjarane og nabokommunane om å gjera det same. Alle andre saker vil bli lagt til side når 1. mai-toget startar, og vi trur dette kan bli det største 1. mai-toget i Odda i nyare tid, skriv Terje Kollbotn leiar i LO i Indre Hardanger i ei pressemelding.