NM i foto: Gode resultat og heiderleg omtale til Kvinnherad-fotografar
Nok ei gong gjorde Kvinnherad fotoklubb det godt under årets fyrste NM.
Totalt var det denne gongen 5036 innsende bilete som var fordelt over sju klasar, og juryen heldt i år til i Slovenia. Av deltakarane frå Kvinnherad var det åtte medlemar som fekk eitt eller fleire bilete antatt eller betre. Blant dei åtte var Atle Helland den einaste som fekk to heiderlege omtalar for to av bileta sine.
– Klubben er stolt av at så mange medlemar hevda seg oppe på resultatlista, sa Helland om resultata.
Artikkelen held fram under annonsen.
Deltakarane i NM i foto samlar opp poeng, og slik forklarer fotoklubbmedlem Lars Martin Teigen poengsystemet:
– Eit såkalla «antatt bilde» gjev eitt poeng, heiderleg omtale tre poeng, bronse 5 poeng, sølv 7 poeng og gull 10 poeng. Om lag 20 prosent av dei konkurrerande bileta blir klassifiserte som «antatt» eller betre, forklarte Teigen.
– Ved hjelp av poengsystemet kårar ein årets norgesmeister, og med åra blir det dessutan delt ut plakettar. Når ein har oppnådd 25 poeng får ein bronseplakett, vidare får ein sølvplakett ved 50 poeng, gull etter 100 poeng, avslutta han.
Atle Helland: 2 heiderlege omtalar og 7 antatt.
Lars Martin Teigen: 8 antatt
Inge Audun Røssland: 3 antatt.
John Asle Hansen: 2 antatt
Lars Håvard Eikeland: 2 antatt
Artikkelen held fram under annonsen.
Sigve Solheim: 2 antatt
Erik Seljestad Bache: 1 antatt
Ole Berntsen: 1 antatt