Rosendal Iseri søkjer om skjenkjeløyve

Rosendal Iseri søkjer om fast skjenkjeløyve for drift av kafé og restaurant på Guddalstunet.

Dette kjem fram av sakspapira til formannskapet.

I saksutgreiinga står det at det har vore skjenkjeløyve på Guddalstunet i mange år, og at eigar Gøril Guddal dei siste åra ikkje har ynskje å driva serveringsverksemda sjølv. Førre sesong var det til dømes Amalie Moss og kjærasten hennar som dreiv kaféen, no ser det derimot ut til at det er Rosendal Iseri som har teke på seg jobben.

Vidare i sakspapira kjem det fram at Rosendal Iseri også er med i eit selskap som driv ulike aktivitetar i nærområdet. Dei ynskjer å kombinera drifta av kafé og restaurant med andre opplevingar.

Innstillinga frå kommunedirektøren er positiv til søknaden. Saka skal opp i neste formannskapsmøte komande torsdag.