Foreslår at dei yngste barna får gå på skulen

Fylkesmannen i Vestland foreslår å gjera gradvise endringar i vedtaket om stenging av barnehagar og skular.

Det skriv VG tysdag føremiddag.

I eit brev til Helsedirektoratet, som blant anna fylkesmann Lars Sponheim har signert, kjem det fram at dei rår til å sjå om det er mogleg å tilby opplæring til elevane frå første til fjerde klasse.

I følgje VG, hevdar fylkesmannen i Vestland at det truleg vil vera god nok plass i skulebygga til at dette kan skje utan å bryta med retningslinjene knytt til smittevern.

Om regjeringa er einige i eit slikt tiltak får vi vita i ettermiddag. Regjeringa varslar nemleg nye koronatiltak klokka 16.00 tysdag.